ऋतु

अलीकडे तुझ्या असण्यापेक्षा,

नसण्याचीच सवय झालीय.

ग्रीष्मही मला आता,

जास्त आवडू लागलाय.

तुझा अबोला आणि, माझ्या मनातले प्रश्न,

यानीच मला उद्धवस्त केलय.

अलीकडे तुझ्या असण्यापेक्षा,

नसण्याचीच सवय झालीय.

वर्षा ऋतुची मला आस नाही,

पण मनातील वादळांना वाट नाही.

तरीही तुझ्या आठवांना,

मी मनातच जपून ठेवलय.

अलीकडे तुझ्या असण्यापेक्षा,

नसण्याचीच सवय झालीय.

सोसाट्याचं वादळ आलं,

अनेक प्रश्न सोडवून गेलयं.

त्या उत्तरांनीच मला,

पार उद्धवस्त केलय.

म्हणून शिशीरातील पानगळही,

मला आवडू लागलीय.

अलीकडे तुझ्या असण्यापेक्षा,

नसण्याचीच सवय झालीय.
२३ मार्च, २००८.

एक निर्विवाद सत्य

माझं तुझ्यावरील प्रेम एक निर्विवाद सत्य आहे,
हे कालचं नाही, आजचं नाही, युगायुगांच कथ्य आहे.


या कथ्याला युगान्ची बन्धन कशाला???
मी तुझी आणि फक्त तुझीच, हे एकच अमर्त्य आहे,
माझं तुझ्यावरीलहे प्रेम एक निर्विवाद सत्य आहे.

तुझ्या मिठीतचं जगावं, हे एक स्वप्न आहे,
पण तुझ्या नकारापुढे सारं व्यर्थ आहे,
पण माझं तुझ्यावरीलहे प्रेम एक निर्विवाद सत्य आहे.

माझं प्रेम हे तुझ्यासाठी मैत्रीचा अर्थ आहे,
पण मग माझं झुरण, तुझ्यासाठी हास्य आहे,
माझं तुझ्यावरीलहे प्रेम एक निर्विवाद सत्य आहे.

तुझ्या आठवणीत रडणं, माझ्यासाठी नित्य आहे,
आणि तुझं मला टाळणं, एक कटु सत्य आहे,
पण माझं तुझ्यावरीलहे प्रेम एक निर्विवाद सत्य आहे.
हे कालचं नाही आजचं नाही युगायुगांच कथ्य आहे.
०९ जानेवारी, २००८